ሕብረተሰብ ካበይ፡ ናበይ፡ ብኸመይ 1 (Hbreteseb kabey nabey bKemey) 1

ሕብረተሰብ ካበይ፡ ናበይ፡ ብኸመይ — ሓሳባት፡ ትካላት፡ ተግባራት — ሲራክ ክፍለ እዚ መጽሓፍ’ዚ ኣብ ሰለስተ ቅጽታት ዝተኸፍለ ኮይኑ፡ ቅጺ ሓደ ብቐንዱ ኣብ መንነት፡ ምምስራት ዘመናውያን ሃገራት፡ ኣመሰራርታን ኣቃውማን ሃገራት ኣፍሪቃ ዘተኮረ እዩ። ቅጺ ክልተ ከኣ ኣብ ማሕበረሰብ፡ ምሕደራ ማሕበራዊ ውዳበ፡ ደሞክራሲ እንታይ’ዩ? ማሕበራዊ ምሕደራ፡ መትከል፡ ቅዋም፡ ደሞክራስ ከተኩር እዩ። ቅጺ ሰለሰት ከኣ ውልቃዊ ሓርነት፡ ዘላቒ ልምዓት፡ ፍሉይነት ሃገረ ኤርትራ፡ ብሩህ መጻኢ ኤርትራ ዝድህስስ እዩ። እዚ መጽሓፍ ኤርትራውያን ብቀጻሊ ነልዕሎም ኣምራትን ሓሳባትን ብውዱብን ስፍሕ ዝበለ ምሰናይ መወከሲታቱን መልክዓቱን ከቕርብ ፈቲኑ ኣሎ። ቀሪቦም ዘለው ሓሳባት ክምመዩ ኣገደስቲ ዝኾኑ ክንዕቅቦም፡ ድኻም ዘለዎም ከነሀብትሞ፡ ዘይጠቕመና ክንኣልዮ እዩ እቲ ትጽቢት። ብጋህዲ ምይይጥን ርእሰ-ነቐፌታን፡ ነቐፌታን እዩ ኣብዚ ኣብጺሑና። እዚ ሃብታም ልምድና ብጋህዲ ክንጥቀመሉን ከነሀብትሞን ከኣ ግዜኡ እዩ። ቀንዲ ሕመረት ናይ ሰለስቲኡ ቅጽታት ‘ንንቃሕ፡ ንወደብ፡ ንተዓጠቕ’ እዩ። ዘመን ዝሳገር፡ ግዜ ዘይነንዎ ነቕ ዘይብል ቴማ።